ផ្នែក សន្តិសុខ នៃវិទ្យាស្ថានប៉ាស្ទ័រកម្ពុជា

វិទ្យាស្ថានប៉ាស្ទ័រកម្ពុជា (IPC) គឺជាវិទ្យាស្ថានស្រាវជ្រាវមិនស្វែងរកប្រាក់ចំណូលនៅកម្ពុជា ដែលត្រូវបានបង្កើតឡើងក្នុងឆ្នាំ១៩៥៣។ IPC សព្វថ្ងៃជាគ្រឹះស្ថានស្រាវជ្រាវវិទ្យាសាស្ត្រដែលបង្កើតឡើងដើម្បីបម្រើដល់សេវាសាធារណៈ ដោយមានការគាំទ្រខ្ពស់ពីក្រសួងសុខាភិបាលនៃព្រះរាជាណាចក្រកម្ពុជា និងស្ថិតក្រោមទំនួលខុសត្រូវរបស់វិទ្យាស្ថានប៉ាស្ទ័រ (ក្រុងប៉ារីស) ទៅលើផ្នែកវិទ្យាសាស្ត្រ និងបច្ចេកទេស។ IPC គឺជាសមាជិករបស់បណ្តាញវិទ្យាស្ថានប៉ាស្ទ័រអន្តរជាតិ ដែលមានវិទ្យាស្ថានជាសមាជិកសរុបចំនួន ៣៣ នឹងមានវត្តមាននៅលើទ្វីបចំនួនប្រាំ។ នេះជាការបង្ហាញអោយឃើញពីគុណតម្លៃ ក្រមសីលធម៌ និងភាពលូតលាស់ឥតឈប់ឈរ របស់វិទ្យាស្ថាន។ IPC មានបុគ្គលិកដែលកំពុងបម្រើការងារសរុបក្នុងអង្គភាពច្រើនជាង ៣០០នាក់ ក្នុងនោះរួមមានជនជាតិបរទេសដែលមាន ២២ សញ្ជាតិផេ្សងគ្នា ចំនួន ៣0 នាក់ រូមទាំងបុគ្គលិកដែលកំពុងបំរើការក្នុងផ្នែកស្រាវជ្រាវទាំង៥ផ្នែកផងដែរ។ IPC បាននឹងកំពុងអនុវត្តសកម្មភាពស្រាវជ្រាវលើ ផ្នែកជីវវិទ្យាសុខភាព សុខភាព សាធារណៈ ផ្តល់សេវាកម្ម(មន្ទីរពិសោធន៍ជីវៈវេជ្ជសាស្ត្រ ការចាក់វ៉ាក់សាំង ការវិភាគទឹក និងអាហារ) និងចូលរួមសកម្មភាពបណ្តុះបណ្តាលផ្សេងៗ។ វិទ្យាស្ថានប៉ាស្ទ័រកម្ពុជាកំពុងត្រូវការជ្រើសរើសបុគ្គលិកបំពេញការងារពេញម៉ោងភេទប្រុសចំនួន ០២ រូប ដែលមានតួនាទីជា សន្តិសុខ សម្រាប់បំរើការងារក្នុងផ្នែករដ្ឋបាល។
ហេតុអ្វីត្រូវចូលរួមជាផ្នែកមួយនៃវិទ្យាស្ថានប៉ាស្ទ័រកម្ពុជា? វិទ្យាស្ថានប៉ាស្ទ័រកម្ពុជា (IPC) ប្តេជ្ញាចិត្តក្នុងការធ្វើឲ្យកន្លែងការងារ មានសមធម៌ និងពោពេញទៅដោយ សក្តានុពល។ វិទ្យាស្ថានជំរុញលើការលើកកម្ពស់ តម្លាភាព ការមិនរើសអើង និង ការអភិវឌ្ឍន៍លើវិជ្ជាជីវៈការងារសម្រាប់បុគ្គលិកទាំងអស់។ តាមរយៈការចូលរួមជាផ្នែកមួយនៃវិទ្យាស្ថានប៉ាស្ទ័រកម្ពុជា បុគ្គលិកនឹង៖ - បម្រើការងារក្នុងបរិយាកាសការងារប្រកបដោយ ការសហការអន្តរជាតិ និងការគោរពគ្នាទៅវិញទៅមក - ចូលរួមចំណែកដ៏មានន័យលើការសិក្សាស្រាវជ្រាវលើផ្នែក សុខភាពសាធារណៈ និងវិទ្យាសាស្ត្រ - ទទួលបានឱកាសរៀនសូត្រនិងបណ្ដុះបណ្ដាល ស្របតាមអាជីពការងារ - ចូលរួមជាផ្នែកមួយ ដែលគាំទ្រយ៉ាងសកម្មទៅលើ សមភាពយេនឌ័រ ចម្រុះភាព និង អន្តរប្រសព្វ - ចូលរួមជាមួយស្ថាប័ន ដែលត្រូវបានទទួលស្គាល់ទៅលើសុច្ចរិតភាព ការច្នៃប្រឌិត និងភាពជាដៃគូវិទ្យាសាស្ត្រជាសកល
ពិពណ៌នាអំពីមុខដំណែង សន្តិសុខមានតួនាទីចម្បង ក្នុងការធានាឲ្យបាននូវ សន្តិសុខ សុវត្ថិភាពនិងសណ្ដាប់ធ្នាប់គ្រប់ពេលវេលាក្នុងវិទ្យាស្ថានប៉ាស្ទ័រកម្ពុជា។
លក្ខខណ្ឌនៃការជ្រើសរើស
 មុខដំណែង : ពេញម៉ោង  កិច្ចសន្យា : កិច្ចសន្យាដំបូងផ្តល់ជូនរយៈពេល 1 ឆ្នាំ (អាចបន្តបាន)  អាចចូលធ្វើការបាននៅថ្ងៃទី ១៥ កក្កដា ឆ្នាំ២០២៥  អត្ថប្រយោជន៍ : Benefits - ធានារ៉ាប់រងសុខភាព(រួមទាំងសមាជិកគ្រួសា) និងធានារ៉ាប់រងអាយុជិវិត - បសស (សុខភាព, ហានិភ័យការងារ, ចូលនិវត្តន៍) - ប្រាក់លើកទឹកចិត្ត សម្រាប់បុណ្យចូលឆ្នាំ និងបុណ្យភ្ជុំបិណ្ឌ - ការឈប់សម្រាកប្រចាំឆ្នាំ បូកបន្ថែមមួយថ្ងៃ រៀងរាល់បីឆ្នាំម្តង - បរិបទការងារប្រជុំដោយបុគ្គលិកមកពី ២២ សញ្ជាតិផេ្សងគ្នា - ឱកាសសម្រាប់ការរីកចម្រើន និងវឌ្ឍនភាពការងារ
ទំនួលខុសត្រូវចម្បង:  ត្រួតពិនិត្យច្រកចេញ-ចូលទៅតាមពេលវេលាដែលបានកំណត់  រក្សាច្រកចេញ-ចូលឲ្យមានអនាម័យគ្រប់ពេលវេលា  ពិនិត្យការចេញយានជំនិះរបស់វិទ្យាស្ថាន ផ្ទៀងផ្ទាត់ជាមួយសំណើរដែលមានចុះហត្ថលេខា និងកត់ត្រាក្នុងសៀវភៅកំណត់ហេតុ  ត្រួតពិនិត្យអ្នកចូលមកក្នុងវិទ្យាស្ថានប៉ាស្ទ័រ រៀបចំចំណតរថយន្តសំរាប់ភ្ញៀវ និងបង្ហាញផ្លូវគាត់ទៅកាន់អ្នកផ្ដល់ព័ត៌មាន  កាលវិភាគធ្វើការរួមបញ្ចូលទាំងថ្ងៃចុងសប្ដាហ៍ និងអាចធ្វើការក្នុងថ្ងៃបុណ្យឈប់សម្រាក  រាយការណ៏អំពីហេតុការណ៏សង្ស័យរឺមិនប្រក្រតីទៅកាន់ប្រធានក្រុមទទួលបន្ទុក  ផ្តល់ព័ត៌មានបន្តទៅកាន់ក្រុមការងារនិងក្រុមវេនយប់  កត់ត្រាបញ្ជីសម្ភារៈនិងចុះហត្ថលេខាប្រគល់-ទទួលជាមួយអ្នកប្ដូរវេន  បំពេញការងារផ្សេងៗទៀតដែលចាត់ចែងដោយប្រធានផ្នែក
បុគ្គលិកលក្ខខណ្ឌរបស់បេក្ខជន :  មានសញ្ជាតិខ្មែរ  ត្រូវមានកាយសម្បទាមាំមួន និងមានសមត្ថភាពលើកទម្ងន់បានរហូត ៥០គីឡូក្រាម  អាចទំនាក់ទំនង អាន និងសរសេរភាសាខ្មែរបាន  អាចប្រើប្រាស់ភាសាអង់គ្លេស និង/ឫ ភាសាបារាំង នឹងមានអាទិភាព  មានជំនាញក្នុងការរៀបចំ និងគ្រប់គ្រងពេលវេលាបានល្អ  ជាអ្នកដែលមានទំនួលខុសត្រូវលើការងារ និងគោរពពេលវេលា  មានភាពឧស្សាហ៍ព្យាយាម អត់ធ្មត់ ចិត្តល្អ ម៉ឺងម៉ាត់  មានភាពស្មោះត្រង់ និង សុច្ចរិត  មានភាពរួសរាយរាក់ទាក់  ធ្វើការប្រកបដោយប្រសិទ្ធភាព និងភាពជឿជាក់  មានភាពអត់ធ្មត់ និងយកចិត្តទុកដាក់លើសុខុមាលភាពរបស់បុគ្គលិក និងភ្ញៀវ  ត្រូវមានសមត្ថភាពក្នុងការរក្សាវិជ្ជាជីវៈការងារប្រកបដោយក្រមសីលធម៌ទោះបីជាស្ថិតក្រោមសម្ពាធការងារក៏ដោយ  អាចធ្វើការងារជាក្រុមបានល្អ  មានការជំរុញនិងការអភិវឌ្ឍន៏ខ្លួនឯង
លក្ខខ័ណ្ឌសម្រាប់ការដាក់ពាក្យស្នើរសុំត្រូវមានលិខិតអមជាមួយនឹងការបញ្ជាក់ពីប្រាក់ខែដែលរំពឹងទុក និងច្បាប់ថតចម្លងសញ្ញាប័ត្រ(ប្រសិនបើមាន) លិខិតបញ្ជាក់ការងារ ប្រវត្តិរូបសង្ខេបជាមួយរូបថតថ្មី អត្តសញ្ញាណប័ណ្ណថតចម្លង (ឯកសារបញ្ជាក់ច្បាប់ដើម ទាំងអស់) សូមបញ្ជូនទៅផ្នែកធនធានមនុស្សនៃវិទ្យាស្ថានប៉ាស្ទ័រកម្ពុជា តាមរយៈអាស័យដ្ឋាន ៖ អគារលេខ៥ មហាវិថីព្រះមុនីវង្ស សង្កាត់ស្រះចក ខ័ណ្ឌដូនពេញ រាជធានីភ្នំពេញ ឬ តាមរយៈអ៊ីម៉ែល៖ rec********@pasteur-kh.orgClick To Sent Email ឬ ទំនាក់ទំនងទូរស័ព្ទ៖ 092777xxxClick To Call

Contact Info: Please don't forget to mention that you found this ad on khmer24.com.

092777xxx Click To Call