កង់ដឹក Biker Xi

Description

ខ្ញុំមានទទួលដឹកទំនិញក្នុងទីក្រុង ដោយប្រើកង់ជាមធ្យោបាយ។ ដោយមើលឃើញពីការបំពុលខ្យល់តាមរយៈការប្រើប្រាស់ឥន្ធនៈបានកើនឡើយជារៀងរាល់ថ្ងៃ ទើបធ្វើអោយខ្ញុំកើតគំនិតបង្កើតសេវាកម្មដែលអាចជួយកាត់បន្ថយការប្រើប្រាស់ឥន្ធនៈមួយចំណែក។
ខ្ញុំអាចទទួលដឹកទំនិញដែលមាន ទម្ងន់ក្រោម៥គីឡូក្រាម សម្ភារៈឬទំនិញមិនខុសច្បាប់​ និង មិនមែនរបស់ហូបបន្ទាន់ ដែលមានដូចជា ឧបករណ៍អគ្គីសនី សម្លៀកបំពាក់ ផលិតផលថែសម្ភស្ស អាហារគ្រៀម បរិក្ខាទូរស័ព្ទ ស្បែកជើង គ្រឿងទេស ឧបករណ៍ជួសជុល សៀវភៅ សម្ភារៈសិក្សា ការដូរ នាឡិកា សម្ភារៈកីឡាទំហំសមរម្យ និងសម្ភារៈផ្សេងៗទៀត។
ចំពោះតម្លៃវិញ ខ្ញុំមិនទាមទាច្រើនទេ ចម្ងាយក្រោម៥គីឡូម៉ែត្រ តម្លៃ ៤,០០០៛ ចម្ងាយក្រោម១០គីឡូម៉ែត្រ តម្លៃ ៦,០០០៛ និង ចម្ងាយក្រោម១៥គីឡូម៉ែត្រ តម្លៃ ១០,០០០៛។
អ្នកអាចនិយាយថា តម្លៃមិនខុសពីអ្នកដឹកតាមម៉ូតូ ប៉ុន្តែត្រូវចំណាយពេលរង់ចាំយូរជាង​ តែចំពោះខ្ញុំការដែលអ្នកបានហៅខ្ញុំអោយដឹក នោះអ្នកបានរួមចំណែកកាត់បន្ថយការប្រើប្រាស់ឥន្ធនៈមួយចំណែកដែរ អាចជួយដល់អ្នកដឹកជញ្ជូនដែលគ្មានលទ្ធភាពទិញម៉ូតូ កាត់បន្ថយការកកស្ទះចរាចរណ៍ បន្ថយការចំណាយរបស់អ្នកបើកបរនិងម្ចាស់អាជីវកម្ម និងបន្ថែមលំហាត់ប្រាណសម្រាប់អ្នកដឹក។
ការធានាចំពោះការបាត់បង់ បច្ចុប្បន្នខ្ញុំមិនមានថវិការច្រើនទេ អញ្ចឹងអ្នកអាចសាកល្បងជាមួយខ្ញុំនូវទំនិញដែលមានតម្លៃក្រោម៤០០,០០០៛សិន ព្រោះថាចំនួននេះខ្ញុំមានលទ្ធភាពសងអ្នកបាន។
ក្នុងកំឡុងពេលសាកល្បងនេះ ខ្ញុំអាចដឹកត្រឹមថ្ងៃចុងសប្តាហ៍ និងថ្ងៃបុណ្យជាតិទេ ព្រោះខ្ញុំត្រូវធ្វើការដើម្បីចិញ្ចឹមគ្រួសារ។
ខ្ញុំសង្ឃឹមថានឹងមានអ្នកស្រលាញ់ផែនដី និងបរិស្ថាន ទាក់ទងមកខ្ញុំដើម្បីអោយសកម្មភាពសេវាកម្មមួយនេះដំណើរការទៅបាន។
សូមអរគុណ